field_block:node:page:title
Kev Nplua Nyiaj thiab Tsub Paj rau Ib Tug Neeg Twg (Penalties and Interest for Individuals-Hmong)
field_block:node:page:body
Ua se thiab thiab them se lig yuav ua rau koj poob nyiaj. Siv cov ntaub ntiav qhia hauv qab no kom tsis txog raug nplua nyiaj ntau thiab tsub paj ntau.
Koj yeej nug kom txo tau (tshem tawm) qhov kev nplua nyiaj thaum koj ua se lig los yog them se mus lig yog tias koj muaj ib qho laj thawj zoo. Kom paub meej dua, mus saib hauv Penalty Abatement for Individuals.
field_block:node:page:field_paragraph
Muaj hom kev nplua nyiaj sib txawv kuj yuav raug koj nyob ntawm koj qhov xwm txheej. Feem ntau ntawm cov kev nplua nyiaj muab teev rau lub rooj ntawv hauv qab.
| Hom Kev Nplua Nyiaj |
Yuav ua li cas kuv thiaj li zam tau qhov kev nplua nyiaj nov? |
|---|
| Ua Se Lig |
Ua koj cov se tsis pub dhau lub Kaum Hlis ntuj tim 15. |
| Them Se Lig |
- Them koj cov se kom tag nrho ua ntej lub Plaub Hlis tim 18, txawm tias koj tsis xa koj cov se mus txog thaum lub Plaub Hlis tim 18.
- Yog tias koj xa koj cov se mus thaum lub Kaum Hli tim 15, them kom ntau li ntawm 90% thaum lub Plaub hli tim 18, thiab them cov es tseem seem kom tag thaum koj ua koj cov se.
|
| Them tus Nqi Se Tsis Txaus |
Them cov nqi se li peb lub hlis ib zaug thaum yuav tsum tau them. Kom paub ntau dua, saib hauv Estimated Tax for Individuals. |
| Ncua qhov ua se tsis ncav caij nyoog |
Yog tias koj tau txais daim ntawv hu ua Request for Missing Return, teb daim ntawv no raws li cov kev cob qhia tsis pub dhau 30 hnub. |
| Them Se Lig rau Tej Yam Tsub rau them |
Yog tias koj txais tau ib daim ntawv kom koj yuav tsum tau them se hu ua Tax Order, teb daim ntawv no raws li cov kev cob qhia tsis pub dhau 60 hnub. |
Qhov nqi nplua yog nplua raws li hom kev nplua twg, raws li tau muab teev rau lub rooj ntawv hauv qab.
| Hom Kev Nplua Nyiaj |
Qhov kev nplua nov raug nyiaj npaum cas? |
|---|
| Ua Se Lig |
Ntawm cov se tsis them ua ntej lub Kaum Hli tim 15. |
| Them Se Lig |
- 4% ntawm cov se tsis them ua ntej lub Plaub hlis tim 18.
- Ntxiv 5% rau cov se tsis them ntawm 180 hnub tom qab xa cov se mus los yog thaum lub Plaub Hlis tim 18 (seb qhov twg yog qhov tom qab dua).
|
| Them tus Nqi Se Tsis Txaus |
Ua kom tiav Schedule M15, Underpayment of Estimated Income Tax, kom paub tias koj raug nplua ntau npaum cas. |
| Ncua qhov ua se tsis ncav caij nyoog |
5% ntawm cov se tsis them ua ntej qhov hais kom yuav tsum tau them los yog $100 (seb qhov twg yog qhov ntau tshaj). |
| Them Se Lig rau Tej Yam Tsub rau them |
- 4% ntawm cov se tsis them ua ntej 60 hnub thaum hnub es tsub cov se ntxiv rau them los yog 60 hnub tom qab xaus qhov kev tawm tsam.
- Ntxiv 5% rau cov se tsis them ntawm 180 hnub ntawm hnub tsum cov nqi ntxiv rau them los yog 180 hnub tom qab xaus qhov kev tawm tsam.
|
| Nplua nyiaj rau qhov Tsis Quav Ntsej los yog Txhob txwm tsis ua raws li Tsab Cai Lij Choj |
10% ntxiv rau cov se es tsub ntxiv rau them vim yog tsis qua ntsej los yog txhob txwm tsis ua raws. |
Nco Ntsoov: Lub tuam tsev saib xyuas kev ua se Minnesota Department of Revenue kuj yuav tsub txim yog tias koj txhob txwm ua se yam cuav los yog dab noj kom tau nyiaj se rov qab. Qhov kev tsum txim rau nplua nov yuav nplua ntau li 50% ntawm qhov kev dag noj es tau nyiaj rov qab ntxiv rau 50% ntawm cov se hais tias muaj tsawg tshau hu ua understated tax.
Peb tsub tus paj rau cov se thiab cov kev nplua nyiaj pib thaum lub sij hawm qhov nqi them dhau caij them lawm txog thaum qhov nqi them tag nrho. Tus paj yeej hloov txhua xyoo. Tus paj rau ob peb xyoo tag los muab teev rau lub rooj ntawv hauv qab no.
| Xyoo |
2023 |
2021 - 22 |
2019 - 20 |
2017 - 18 |
2010 - 16 |
|---|
| Tus Paj |
5% |
3% |
5% |
4% |
3% |
