field_block:node:page:title
Ganaaxa iyo Dulsaarka Canshuurta Dakhliga ee Qofka (Penalties and Interest for Individuals — Somali)
field_block:node:page:body
Soo xaraynta iyo bixinta cashuurta xilli daahay ayaa waxay kugu kacaysaa lacag. Isticmaal macluumaadka soo socda si aad uga fogaato ganaaxyada iyo dulsaarka qaaliga ah.
Waxa aad codsan kartaa in lagaa dhimo (ka dhaafitaan) la soo soo daahida xaraynta ama ganaaxyada xilli dambe bixinta lacagta haddii aad sabab macquul ah haysato. Faahfaahinta, ka eeg ka Dhaafitaanka Ganaaxa Shakhsiyaadka.
field_block:node:page:field_paragraph
Ganaaxyo kala duwan ayaa laga yaabaa in lagugu soo dallaco iyada oo ku salaysan xaaladdaada. Ganaaxyada ugu caansan ayaa ku taxan shaxda hoose.
| Nooca Ganaaxa | Sidee ayaan uga badbaadi karaa ganaaxan? |
|---|
| La daahitaanka xaraynta | Soo xeree canshuur celintaada ugu dambayn Oktoobar 15. |
| Lacag bixinta lala daahay | - Bixi canshuurtaada oo dhan ugu dambeyn Abriil 15, xitaa haddii aadan xaraynin canshuur celintaada Abriil 15.
- Haddii aad xarayso canshuur celintaada Oktoobar 15, bixi ugu yaraan 90% cashuurta ugu dambayn Abriil 15, oo bixi cashuurta hartay marka aad xarayso canshuur celintaada.
|
| Bixinta Cashuurta ka yar intii Qiyaastu ahayd | Bixi cashuurta la qiyaasay sanadka rubiciisaba mar marka lagaaga baahyahay. Wixii macluumaad dheeraad ah, eeg Canshuurta la Qiyaasay ee Shakhsiyaadka. |
| Denbiga muddo dheer Xarayn La'aanta | Haddii aad hesho warqada Codsiga Canshuur Celinta maqan, uga jawaab sida lagu faray 30 maalmood gudahood. |
| Lacag Bixinta Daahday ee Qiimaynta Cashuurta | Haddii aad hesho warqadda Amarka Canshuurta, uga jawaab sida lagu faray 60 maalmood gudahood. |
Qiimaha ganaaxa waxaa lagu go'aamiyaa iyadoo lagu salaynayo nooca ganaaxa, sida ku qoran shaxda hoose.
| Nooca ganaaxa | Waa immisa qiimaha ganaaxani? |
|---|
| La daahitaanka Xaraynta | 5% canshuurta aan la bixin Oktoobar 15. |
| Lacag bixinta lala daahay | - 4% canshuurta aan la bixin Abriil 15.
- 5% oo dheeri ah canshuurta aan lagu bixin 180 maalmood gudahood kadib marka aad xarayso canshuur celintaada ama Abriil 15 (hadba tii soo horraysa).
|
| Bixinta Cashuurta ka yar intii Qiyaastu ahayd | Buuxi Jadwalka M15, Bixinta Canshuurta Dakhliga oo ka yar intii Qiyaastu ahayd, si loo go'aamiyo ganaaxaaga. |
| Denbiga muddo dheer Xarayn La'aanta | 5% canshuurta aan la bixin codsiga kahor ama $100 (hadba middii badan). |
| Lacag Bixinta Daahday ee Qiimaynta Cashuurta | - 4% canshuurta aan lagu bixin 60 maalmood gudahooda laga bilaabo taariikhda lagugu soo dallacay ama 60 maalmood gudahood kadib xalinta racfaanka.
- 5% oo dheeri ah canshuurta aan lagu bixin 180 maalmood gudahooda laga bilaabo taariikhda lagugu soo dallacay ama 180 maalmood gudahood kadib xalinta racfaanka, hadba tii soo horraysa.
|
| Ciqaabta dayaca ama si ula kac u tixgelin la'aanta sharciga | 10% canshuur kasta oo dheeri ah oo lagugu soo rogay taasoo ay ugu wacan tahay dayacaad ama tixgelin la'aan ula kac ah. |
Fiiro gaar ah: Waaxda Dakhliga ee Minnesota ayaa laga yaabaa inay kugu soo dallacdo ganaax haddii aad si ula kac ah u xarayso canshuur celin been abuur ah ama khayaao ah si aad u dalbato canshuur soo celin. Ciqaabtu waxay noqonaysaa 50% canshuur celinta sida been abuurka ah oo lagu helay oo lagu daray 50% canshuur kasta oo aan la wada sheegin.
Waxaan dulsaar ku soo dalacnnaa cashuurta iyo ganaaxyada laga bilaabo wakhtiga dayntu dhaaftay xilligii la bixin lahaa ilaa inta si buuxda loo bixinayso. Heerarka dulsaarka ayaa laga yaabaa inay isbeddelaan sannadkii. Heerarka dulsaarka ee sannadihii u dambeeyay ayaa ku taxan shaxda hoose.
| Sannadka | 2024 | 2023 | 2021-22 | 2019-20 | 2017-18 |
|---|
| Heerka Dulsaarka | 8% | 5% | 3% | 5% | 4% |
